İQTİSADİYYAT
Mənzillərin qeydiyyatı üçün növbəti səyyar sənəd qəbulu hansı ünvanlarda keçiriləcək?
Bakı, 12 oktyabr, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti (ƏMDX) mənzillərin qeydiyyatı üçün növbəti səyyar sənəd qəbulunun keçiriləcəyi ünvanları elan edib.
Dövlət Xidmətindən AZƏRTAC-a bildirilib ki, istismarına icazə verilmiş yeni çoxmənzilli binalardakı mənzillər üçün “Əmlakını qeydiyyata al və mülkiyyətinə sahib ol” kampaniyası çərçivəsində növbəti səyyar sənəd qəbulu oktyabrın 12-i Xətai rayonu, X.Məmmədov küçəsi, məhəllə 2944A (Yeni ünvan sisteminə görə X.Məmmədov küçəsi,174), oktyabrın 16-da isə Yasamal rayonu, Ə.Əhmədov küçəsi, 41BA ünvanında keçiriləcək.
Qeyd edək ki, iyulun 24-dən bərpa edilən səyyar sənəd qəbulu prosesi çərçivəsində artıq 23 ünvanda səyyar qəbulu aparılıb.
Vətəndaşların mənzillərə aid mülkiyyət hüququnu təsdiq edən sənədin (çıxarışın) hazırlanması 15 iş günü ərzində təmin edilir.