CƏMİYYƏT


Mərakeş əcnəbi həkimlərin cəlb olunacağı genişmiqyaslı layihəyə başlayır

Rabat, 20 aprel, AZƏRTAC

Mərakeş, xarici mütəxəssislər və xarici investisiyalar üçün səhiyyə sektorunu açmaqla genişmiqyaslı layihəyə başlayır.

AZƏRTAC xəbər verir ki, bunu iqtisadiyyat, maliyyə və inzibati islahatlar naziri Məhəmməd Bençaabun söyləyib. Prioritet layihənin, eyni zamanda, sosial müdafiə sistemində islahatların 2025-ci ilədək tamamlanması planlaşdırılır. Yeni sosial müdafiə strategiyasına əsasən, Krallığın 22 milyon vətəndaşı 2021 və 2022-ci illər ərzində xəstəliklərdən (dərman və xəstəxana xərclərindən) sığortalanmalıdır.

Krallıq xarici mütəxəssisləri cəlb etməklə yanaşı, milli tibb potensialının gücləndirilməsi istiqamətində də addımlar atır. 36 milyon əhalisi olan Mərakeşin hazırda 100 min mütəxəssislə birlikdə 35 min həkim və 57 min tibb bacısına ehtiyacı var.

Ölkənin böyük şəhərlərində ümumən 25 minə yaxın həkimin olması yetərli deyil. Çünki Ümumdünya Səhiyyə Təşkilatının müəyyən etdiyi standartlara əsasən əhalinin hər 100 min nəfərinə nisbətdə həkimlərin sayı iyirmidən bir qədər çox olmalıdır. Amma Krallıqda onların sayı yeddidən çox deyil.

Mərakeşdə yerli həkimlər təcrübə keçmək məqsədilə xaricə yollanırlar. Hazırda təkcə Fransada mərakeşli həkimlərinin sayı 8 minə qədərdir. Fransa Milli həkim Şurasının məlumatına görə, Mərakeş xaricdən gələn həkimlərin sayı baxımından dünya üzrə ikincidir.

Nigar Cəfərli

AZƏRTAC-ın xüsusi müxbiri

Rabat 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.