QAN YADDAŞI


Mərakeş qəzeti: 20 Yanvar Azərbaycan xalqının milli yaddaşına hüzn günü kimi yazılıb

Rabat, 21 yanvar, AZƏRTAC

Mərakeşin “Ərəb Məğribi Sədaları” qəzetində Azərbaycan Respublikasının Rabatdakı səfirliyində 20 Yanvar faciəsinin ildönümünə həsr olunmuş anım mərasimi haqqında məqalə dərc edilib.

Məqalədə bildirilir ki, Azərbaycan Respublikasının Rabatdakı səfiri Oktay Qurbanovun iqamətgahında 20 Yanvar faciəsi ilə əlaqədar anım mərasimi keçirilib. Səfir Oktay Qurbanov çıxışında Azərbaycan xalqının bu faciənin 29-cu ildönümünü qeyd etdiyini diqqətə çatdırıb.

Qəzet məlumat verir ki, səfirlikdə keçmiş sovet ordusunun Azərbaycana qarşı təcavüzünü əks etdirən fotosərgi təşkil olunub. Bu təcavüz 147 insanın şəhid olması, 744 nəfərin yaralanması, 841 nəfərin isə həbs olunması ilə nəticələnib.

Məqalədə vurğulanır ki, 20 Yanvar faciəsi Azərbaycan xalqının milli yaddaşına ağrılı hüzn günü kimi yazılıb. 1990-cı il yanvarın 20-də sovet ordusu beynəlxalq hüquq normalarını kobudcasına pozaraq Azərbaycan xalqına qarşı qəddar cinayət törədib.

Nigar Cəfərli

AZƏRTAC-ın xüsusi müxbiri

Rabat

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.