İDMAN


Mərakeşdə keçiriləcək Qran-Pridə Azərbaycanı 14 cüdoçu təmsil edəcək

Bakı, 27 fevral, AZƏRTAC

Martın 6-8-də Mərakeşin Rabat şəhərində cüdo üzrə Qran-Pri turniri keçiriləcək.

AZƏRTAC xəbər verir ki, Azərbaycanı bu nüfuzlu yarışda 14 cüdoçu (10 kişi, 4 qadın) təmsil edəcək. Belə ki, kişilər arasında cüdoçularımız Kəramət Hüseynov, Yusif Əhmədov (60 kq), Orxan Səfərov, Nicat Şıxəlizadə (66 kq), Telman Vəliyev (73 kq), Hidayət Heydərov, Murad Fətiyev (81 kq), Elmar Qasımov, Zelim Kotsoyev (100 kq), Uşangi Kokauri (+100 kq) yarışacaqlar. Qadınların mübarizəsində isə Leyla Əliyeva, Aişə Qurbanlı (48 kq), Gültac Məmmədəliyeva (52 kq) və Aleksandra-Larisa Florian (57 kq) güclərini sınayacaqlar.

Yarışda indiyədək 95 ölkədən 611 cüdoçu iştirakını təsdiqləyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.