DÜNYA


Mərakeşin hakimiyyət orqanları bakteriyalara görə bitkilərin idxalına qadağa qoyub

Rabat, 22 iyun, AZƏRTAC

Mərakeşin Qida məhsullarının təhlükəsizliyi üzrə milli idarəsi (ONSSA) ölkəyə bütün növ bitkilərin (tinglər, dekorativ bitkilər və toxumlar) idxalına qadağa qoyub. Bu tədbir “Xylella fastidiosa” aerob bakteriyasının krallığın ərazisinə gətirilməsinin qarşısını almaq məqsədi daşıyır.

AZƏRTAC xəbər verir ki, bu məqsədlə səyahətçilər tərəfindən ölkəyə gətirilən hər hansı bitki (tinglər, dekorativ bitkilər və toxumlar) qüvvədə olan müvafiq qaydalara uyğun şəkildə müsadirə olunaraq məhv ediləcək.

Bundan əlavə, ONSSA bildirir ki, “Xylella fastidiosa” bakteriyasına münasibətdə onun mövcudluğu qeydə alınan ölkələrdən dekorativ bitkilərin bütün idxalının dayandırılması yolu ilə profilaktik tədbirlər gücləndirilir.

Ölkəyə yalnız fitosanitar tələblərə uyğun olan bitkilər buraxılır.

“Xylella fastidiosa” bakteriyası oleandr və badam yarpaqlarının qurumasına, ərik xəstəliklərinə, üzüm bakteriozuna (Pirs xəstəliyi) səbəb olur, eləcə də Braziliyada sitrus ağaclarını məhv edir. Bu bakteriyanın vurduğu iqtisadi ziyan məhsulun qismən azalmasından tutmuş onun keyfiyyətinin tamamilə itirilməsinədək dəyişir. Zərərvericilik üzümlüklərin uzunömürlülüyünün qısaldılmasında da özünü göstərir.

Nigar Cəfərli

AZƏRTAC-ın xüsusi müxbiri

Rabat

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.