MƏDƏNİYYƏT


“Meri Mak Brayd” musiqi qrupunun növbəti konserti Bakıda

Bakı, 19 sentyabr (AZƏRTAC, Türkan Abdullayeva). Sentyabrın 19-da “Park Bulvar” ticarət və əyləncə mərkəzində ABŞ-ın məşhur “Meri Mak Brayd” musiqi qrupu geniş konsert proqramı ilə çıxış edib.

AZƏRTAC xəbər verir ki, konsert ABŞ-ın ölkəmizdəki səfirliyinin dəstəyi ilə reallaşıb. Qrupun Azərbaycana səfəri ABŞ Dövlət Departamentinin “Mədəniyyət elçiləri” proqramı çərçivəsində həyata keçirilir. Bu proqram səfirliyin amerikalılar və azərbaycanlılar arasında mədəniyyətlərarası anlaşmanı və dostluğu təşviq etmək məqsədini daşıyır.

Ölkəmizdə ikinci dəfədir çıxış edən “Meri Mak Brayd” musiqi qrupu konsertdə ən çox sevilən mahnılarını ifa edib. Onların ifaları maraqla qarşılanıb.

Bu günə kimi Xaçmaz, Qusar və Qubada konsert proqramı ilə çıxış edən “Meri Mak Brayd” qrupu sentyabrın 25-dək Azərbaycan Dillər Universitetində, Salyan, Lənkəran və Naxçıvanda da konsert verəcək.

Qeyd edək ki, qrupun bütün konsertləri ictimaiyyət üçün açıqdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.