İQTİSADİYYAT


Mərkəzi Bank "Novruz xonçası" adlı maarifləndirici tədbir keçirir

Bakı, 13 mart, AZƏRTAC

Mərkəzi Bank martın 12-dən etibarən 2 saylı Bakı "ASAN Kommunal" mərkəzində (Bakı Dəmir Yolu Vağzalının 2-ci mərtəbəsi) Novruz Bayramı ərəfəsində artıq ikinci ildir ki, təşkil edilən "Novruz xonçası" adlı maarifləndirici təbliğat xarakteri daşıyan tədbir keçirir.

Bankdan AZƏRTAC-a bildiriblər ki, tədbir ərzində maliyyə savadlılığının əhali arasında ictimai dəyər kimi tanınması təmin olunur, müvafiq maarifləndirici bukletlər paylanılır, eyni zamanda, ödəniş kartları və nağdsız ödənişlərin əhəmiyyəti haqqında əhaliyə ətraflı məlumatlar verilir. Mərkəzi Bankın "Maliyyə savadlılığı" köşkündə nümayiş etdirilən elektron resurslar, bank məhsul və xidmətləri haqqında maarifləndirici animasiyalar əhali arasında xüsusi maraq doğurur. Tədbirə qatılanlara Mərkəzi Bankın məlumatlandırıcı promo materialları, həmçinin bayram şirniyyatları paylanılır.

"Novruz xonçası" tədbiri martın 16-dək davam edəcək. Mərkəzi Bank "Azərbaycan Respublikasında maliyyə xidmətlərinin inkişafına dair Strateji Yol Xəritəsi"nin icrası ilə əlaqədar cari təşəbbüslərini genişləndirərək əsas hədəf qruplarına istiqamətlənmiş tədbirləri bundan sonra da həyata keçirəcək.

Qeyd edək ki, Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş "Azərbaycan Respublikasında maliyyə xidmətlərinin inkişafına dair Strateji Yol Xəritəsi"nin "Maliyyə bazarı iştirakçılarının bilik və bacarıqlarının artırılması" sərlövhəli 5-ci strateji hədəfinin icrası çərçivəsində Mərkəzi Bank ölkədə maliyyə savadlılığı səviyyəsinin artırılması məqsədilə bir sıra tədbirlər həyata keçirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.