ELM VƏ TƏHSİL


Mərkəzi Elmi Kitabxananın tibb elminə dair kitab kolleksiyası yeni nəşrlərlə zənginləşir

Bakı, 15 iyul, AZƏRTAC

Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) tibb elminə aid kitab fondlarına yeni dəyərli sənədlər daxil olub.

MEK-dən AZƏRTAC-a bildirilib ki, çap və elektron formatda olan nəşrləri kitabxanaya Azərbaycan Tibb Universitetinin 1-ci Cərrahiyyə xəstəlikləri kafedrasının müdiri, AMEA-nın müxbir üzvü Nuru Yusifoğlu Bayramov hədiyyə edib. Kolleksiyada “Cərrahi xəstəliklər”, “Cərrahi xəstəliklər. Hərbi səhra cərrahiyyəsi fənni üzrə tədris proqramı”, “Cərrahiyyə üzrə klinik və praktiki səriştələr”, “Çoxdilli anatomiya terminləri lüğəti”, “Düz bağırsaq və anal nahiyənin cərrahi xəstəlikləri”, “Əhliman Tapdıq oğlu Əmiraslanov - biblioqrafiya” və digər kitablar yer alıb.

Oxucular, eyni zamanda, “Kardiovasküler sözlük”, “Öd yollarının cərrahi xəstəlikləri”, “Portal hipertenziya”, “Qalxanabənzər vəzinin cərrahi xəstəlikləri”, “Qaraciyər regenerasiyası”, “Qaraciyər rezeksiyası”, “Canlıdan qaraciyər transplantasiyasında əməliyyatdan əvvəl və sonrakı müayinə və müalicə qaydaları”, “Qarın boşluğu üzvlərinin təxirəsalınmaz cərrahlığı” (rəhbərlik), “Təcili abdominal cərrahiyyədə müayinə və müalicə qaydaları”, “Türkdilli xalqların qastroenteroloji terminlər lüğəti” nəşrləri ilə tanış ola bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.