DÜNYA


Paris-Notr-Dam kilsəsi ərazisində qurğuşun tozu konsentrasiyası aşkarlanıb

Paris, 18 may, AZƏRTAC

Paris-Notr-Dam kilsəsinin ərazisində qurğuşun tozu konsentrasiyasının çoxaldığı aşkarlanıb.

AZƏRTAC xəbər verir ki, Paris polis prefekturası kilsənin ərazisinin bağlanması ilə bağlı qərar verib.

Bildirilib ki, 2019-cu ilin aprelində katedralda baş vermiş yanğından sonra ətrafda qurğuşun tozu konsentrasiyası artdığı təsdiqlənib. İl-dö-Fransa Regional Səhiyyə İdarəsinin tövsiyəsi ilə katedral ətrafında müvafiq tədbirlər görülüb. Artıq müəyyən edilmiş perimetr çərçivəsində piyada və ictimai nəqliyyat vasitələrinin hərəkəti qadağan edilib.

Qeyd edilib ki, ərazidə təmizləmə işləri aparılacaq, qurğuşun tozu konsentrasiyası aşağı salınandan sonra meydan yenidən ictimaiyyətə açıq olacaq.

Xatırladaq ki, 2020-ci ilin əvvəllərində kilsə yaxınlığında olan məktəblərin həyətində də qurğuşun tozu aşkarlanmış və məktəblər müvəqqəti bağlanmışdı.

Şəhla Ağalarova

AZƏRTAC-ın xüsusi müxbiri

Paris 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.