REGİONLAR


Meşəyə moruq yığmağa gedən Quba sakini bədbəxt hadisə nəticəsində ölüb

Quba, 26 avqust, Elxan Yusifli, AZƏRTAC 

Quba rayonunda bir nəfərin ölümü ilə nəticələnən bədbəxt hadisə baş verib.

AZƏRTAC-ın bölgə müxbiri xəbər verir ki, rayonun Suxtakələ kənd sakini Nəsirov Sahib Nüsrəddin oğlu avqustun 25-i saat 15:00 radələrində meşəyə moruq yığmağa getdikdən sonra geri qayıtmayıb.

57 yaşlı S.Nəsirovun axtarışlarına Fövqəladə Hallar Nazirliyinin Şimal Regional Mərkəzinin axtarış-xilasetmə qüvvələri cəlb olunub. Axtarışlar nəticəsində Sahib Nəsirovun meyiti bu gün səhər saatlarında meşəlik ərazidə aşkarlanıb. Məlum olub ki, mərhum üzərinə ağac aşması nəticəsində ölüb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.