ELM VƏ TƏHSİL


Məşhur brendlərin təmsilçiləri təcrübələrini tələbələrlə bölüşüblər

Bakı, 13 noyabr, AZƏRTAC 

Noyabrın 13-də Azərbaycan Turizm və Menecment Universitetində (ATMU) “Sürətli təcrübə paylaşımı” mövzusunda konfrans keçirilib.

ATMU-dan AZƏRTAC-a bildiriblər ki, konfransda avtomobil sənayesi dünyasında “Chevrolet”, “Mersedes-Benz”, “Hyundai”, “PicMus” kimi məşhur brendlərin marketinq rəhbərləri təcrübə və biliklərini tələbələrlə bölüşüblər.

Tədbirdə ATMU-nun rektoru, professor Cəfər Cəfərov, biznes idarəçiliyi fakültəsinin dekanı Sənan Əliyev, marketinq kafedrasının müdiri Anar Eminov çıxış edərək universitetdə əldə edilən nəzəri biliyin praktikada tətbiqi üçün tələbələrin təcrübi bilik və bacarıqlarının artırılmasının vacibliyini vurğulayıblar.

Tələbələrin böyük marağına səbəb olan konfransın gələcəkdə də keçirilməsi qərara alınıb.

Sonda tədbirdə fəal iştirak edənlərə təşkilat komitəsi tərəfindən təşəkkürnamə təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.