ELM VƏ TƏHSİL


“Metafizika” jurnalı beynəlxalq impakt faktorlu indeksdə qeydiyyata alınıb

Bakı, 29 oktyabr, AZƏRTAC

“Metafizika Araşdırmalar Mərkəzi”nin rəsmi mətbu orqanı olan “Metafizika” fəlsəfi və fənlərarası araşdırmalar jurnalı beynəlxalq DIIF (Directory of Indexing and Impact Factor) indeksində qeydiyyata alınıb.

AMEA-dan AZƏRTAC-a bildirilib ki, nəşr Azərbaycandan ictimai elmlər sahəsində bu nüfuzlu indeksə daxil olan ilk jurnaldır.

Sosial və texniki sahədə çap olunan akademik jurnalları qeydə alan DIIF impakt faktorlu dəyərləndirmə sistemi 1975-ci ildən fəaliyyət göstərir.

Qeyd edək ki, “Metafizika” jurnalının 7 ölkədən tanınmış alimlərin təmsil olunduğu redaksiya heyətinə AMEA-nın müxbir üzvü Könül Bünyadzadə sədrlik edir. Jurnalın baş redaktoru fəlsəfə üzrə elmlər doktoru Ələddin Məlikovdur. Jurnal 6 dildə (Azərbaycan, ingilis, rus, türk, ərəb və fars) məqalə qəbul edir. Nəşrdə metafizik müstəviyə fizikanın fövqünə qalxa bilən elmi, tarixi, bədii, fəlsəfi, sənətşünaslıq axtarışlarına həsr edilmiş araşdırmalara yer verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.