İQTİSADİYYAT


Metallurgiya üzrə magistrlər hazırlanması təklif olunur

Bakı, 29 oktyabr, AZƏRTAC

Metallurgiya sahəsi üzrə magistr hazırlığına başlanılmalıdır.

Bu barədə təklif Azərbaycan Milli Elmlər Akademiyası (AMEA) və “Azərbaycan Polad İstehsalı Kompleksi” QSC arasında əməkdaşlığa dair Anlaşma Memorandumu layihəsinin müzakirəsi zamanı səslənib.

Kompleksdən AZƏRTAC-a bildiriblər ki, görüşdə AMEA-nın alim və mütəxəssisləri QSC-nin rəhbər işçiləri ilə əməkdaşlıq perspektivləri ətrafında fikir mübadiləsi aparıblar. Texniki əməkdaşlığın və innovasiya tədbirlərinin inkişaf etdirilməsi, texniki təlim xidmətlərinin təşkili üçün işçi qrupunun yaradılması, müvafiq tədbirlər planının hazırlanması qərara alınıb. Müzakirələrdə hər bir sahənin elmi cəhətdən araşdırılmasının, yüksək ixtisaslı kadr hazırlığının, eyni zamanda, bu sahəyə alimlərin cəlb edilməsinin vacibliyi qeyd olunub.

Görüşdə iştirak edən professor Zaur Əlizadə Daşkəsən dəmir filizi yataqlarında uzun illər apardığı elmi tədqiqatlar haqqında məlumat verib və gələcək elmi işlərindən danışıb.

Anlaşma Memorandumunun gələn ay imzalanması gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.