DÜNYA


Mexikoda metro qəzasında ölənlərin sayı 23 nəfərə çatıb

Bakı, 4 may, AZƏRTAC

Meksika paytaxtında metro körpüsünün çökməsi nəticəsində həlak olanların sayı 23 nəfərə çatıb.

AZƏRTAC xəbər verir ki, bu barədə jurnalistlərə şəhər hökumətinin başçısı Klaudia Şeynbaum hadisə yerində məlumat verib. “Təəssüf ki, hazırkı vaxta qədər 23 nəfərin öldüyü aydınlaşıb, daha 65 nəfər xəstəxanaya yerləşdirilib”, - deyə Mexikonun meri bildirib.

Qeyd edək ki, faciə bazar ertəsi günü yerli vaxtla saat 22:25 radələrində (Bakı vaxtı ilə bu gün 7:25) Olivos stansiyası rayonunda baş verib. Metro körpüsü üzərindən qatar keçən zaman çöküb. Nəticədə qatarın iki vaqonu təxminən 10 metr hündürlükdən yerə düşüb.

Hüquq-mühafizə orqanları qəzanın səbəblərini araşdırmağa başlayıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.