CƏMİYYƏT


Mexikoda plastik paketlər 2020-ci ildən qadağa ediləcək

Bakı, 10 may, AZƏRTAC

Mexiko şəhərinin Konqresi plastik paketlərin istifadə olunmasını 2020-ci ilin dekabrından qadağan edib. AZƏRTAC RİA Novosti agentliyinə istinadla xəbər verir ki, şəhərin bərk tullantıları haqqında qanuna müvafiq dəyişikliklər edilib.

Yeniliklərə əsasən, 2020-ci ildən plastik paketlərin satışı, yayılması və istifadə olunması tamamilə qadağan ediləcək. Bundan əlavə, 2021-ci ilin yanvarından meqapolisdə içmə üçün plastik çubuqlardan və plastik qablaşdırmalardan, habelə birdəfəlik plastik çəngəl, qaşıq və boşqablardan istifadə olunması qadağa ediləcək.

Plastik kürəciklər, yemək daşımaq üçün birdəfəlik konteynerlər və tərkibində plastik kütlə olan qadın tamponları da qadağa ediləcək.

Meksika gündəlik həyatda plastikdən ifrat dərəcədə istifadə olunmasına qarşı mübarizəyə artıq çoxdan başlayıb. Məsələn, bioloji parçalanan materiallardan istehsal edilmiş birdəfəlik zibil paketləri, habelə avokado çəyirdəyindən əldə olunan materialdan hazırlanmış “plastik” qablar ölkədə çox populyardır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.