REGİONLAR


Meyvəçilik və Çayçılıq Elmi-Tədqiqat İnstitutunda xarici mütəxəssislərlə müzakirələr aparılıb

Quba, 5 oktyabr, Elxan Yusifli, AZƏRTAC

Azərbaycan, Qırğızıstan, Özbəkistan və Moldovadan olan mütəxəssislər Qubada yerləşən Meyvəçilik və Çayçılıq Elmi-Tədqiqat İnstitutuna səfər ediblər.

AZƏRTAC-ın bölgə müxbiri xəbər verir ki, Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) layihəsi çərçivəsində həyata keçirilən səfər zamanı qonaqlar institutun fəaliyyəti, icra olunan layihələr, laboratoriya və istixananın fəaliyyət istiqamətləri barədə məlumatlandırılıblar.

Xarici və yerli mütəxəssislərlə meyvə bitkilərinin seleksiyasında tətbiq edilən müasir metodlar, in-vitro üsulla bitki çoxaldılması, molekulyar biologiya və bağçılıqda tətbiq olunan innovativ texnologiyalar üzrə ətraflı müzakirələr aparılıb.

İnstitutda fəaliyyət göstərən mikroklonal çoxaltma laboratoriyası, yeni fəaliyyətə başlayan molekulyar biologiya laboratoriyasında müvafiq cihaz və qurğular, onların iş prinsipi, yeni metod və üsullarla tanışlıq olub.

Sonda qonaqlar təcrübə sahələrinə baxış keçiriblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.