DÜNYA


“Microsoft” “Windows”da kritik səhv olduğunu etiraf edib

Bakı, 29 iyul, AZƏRTAC

"Microsoft" şirkəti "Windows" sisteminin yeni versiyalarında kritik təhlükəsizlik səhvini düzəltməyə söz verib.

AZƏRTAC xarici KİV-lərə istinadən xəbər verir ki, ABŞ korporasiyası əməliyyat sistemlərinin cari versiyaları ilə bağlı problemlər haqqında xəbərdar olduğunu təsdiq edib.

"Microsoft" öz səhvini etiraf edib və bildirib ki, onu düzəldən təhlükəsizlik paketləri əməliyyat sisteminin növbəti yeniləməsində əlçatan olacaq. Şirkətin mütəxəssisləri yeni təhlükəsizlik paketi çıxarılana kimi istifadəçilərə səhv mesajı görünən kimi sistemi yenidən yükləməyi tövsiyə ediblər.

Jurnalistlərin sözlərinə görə, "Windows 10" sistemində təhlükəsizliklə bağlı problem istifadəçilərin diqqətini çəkib. Əməliyyat sisteminin lisenziyalı surətlərinin sahibləri şikayət ediblər ki, "Windows Sandbox" və "Windows Defender" proqramlarını işə salmaq istədikdə səhv mesajları görünür. Bu problemlə "Windows 10" sisteminin "1903", "1909" və "2004" versiyalarının istifadəçiləri qarşılaşıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.