İDMAN


Mik Şumaxer Almaniya Qran-Prisinin sınaq yürüşlərində iştirak edəcək

Bakı, 9 aprel, AZƏRTAC

“Ferrari” yürüş akademiyasının pilotu, əfsanəvi yürüşçü Mixael Şumaxerin oğlu Mik Şumaxer “Ferrari” motoru ilə işləyən bolidlərdən birinin sükanı arxasında iyulda keçiriləcək Almaniya Qran-Prisinin sınaq yürüşlərində iştirak edəcək.

AZƏRTAC “Express.de” saytına istinadla xəbər verir ki, “Xokkenhaymrinq” trasının marketinq şöbəsinin nümayəndəsi Yorn Teske artıq bu ideyanı dəstəkləyib. O bildirib ki, Mikin sınaq yürüşlərində iştirakı Formula 1-in alman pərəstişkarları üçün parlaq hadisə olacaq.

Mik Şumaxer Bəhreyn Qran-Prisində iki gün ərzində sınaqlarda iştirak edib. O vaxt pilot ilk dəfə müasir Formula 1 bolidinin sükanı arxasına keçib. Şumaxer ilk gün “Ferrari”nin, ertəsi gün isə “Alfa Romeo”nun bolidlərini idarə edib.

Pilot bildirib ki, növbəti dəfə Formula 1 bolidinin sükanı arxasına keçəcəyi vaxtı bilmir. O qeyd edib ki, hazırda bütün diqqətini Formula 2 yarışlarına yönəldib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.