İQTİSADİYYAT


Mikayıl Cabbarovun rəhbərlik etdiyi nümayəndə heyəti Səngəçal terminalında olub

Bakı, 14 may, AZƏRTAC

Mayın 14-də iqtisadiyyat naziri, SOCAR-ın Müşahidə Şurasının sədri Mikayıl Cabbarovun rəhbərlik etdiyi nümayəndə heyəti Səngəçal terminalında olub.

SOCAR-dan AZƏRTAC-a bildirilib ki, səfər neft və qazın qəbulu, texnoloji emalı və ixracı üzrə dünyanın ən böyük terminallarından biri hesab olunan və beynəlxalq standartlara cavab verən bu obyektin işinə yerində baxış keçirmək, mövcud və perspektiv optimallaşdırma imkanlarını müzakirə etmək məqsədi daşıyıb.

Səfərin gündəliyi terminalın tarixi, cari əməliyyatlar, terminaldakı qurğuların funksiyaları və həyata keçirdiyi proseslər barədə təqdimatlardan və perspektiv imkanların müzakirəsindən ibarət olub.

Terminalda nümayəndə heyətinin BP-nin Azərbaycan, Gürcüstan və Türkiyə üzrə regional prezidenti Qəri Cons və BP-nin regional rəhbərliyinin nümayəndələri ilə işgüzar görüşü keçirilib.

Sonra “Azəri-Çıraq-Günəşli” (AÇG) və “Şahdəniz” texnoloji qurğular ərazisi, Cənubi Qafqaz Boru Kəmərinin birinci kompressor stansiyası, Bakı-Tbilisi-Ceyhan boru kəmərinin birinci nasos stansiyası, Mərkəzi Dispetçer Məntəqəsi, SOCAR-ın ölçü məntəqəsi və digər obyektlərə tur təşkil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.