MƏDƏNİYYƏT


Mikayıl Müşfiqin xatirəsi yad edilib

Bakı, 5 iyun, AZƏRTAC

İyunun 5-də Mədəniyyət Nazirliyinin nəzdində fəaliyyət göstərən Mədəniyyətşünaslıq üzrə Elmi-Metodiki Mərkəzi, Yasamal Rayon İcra Hakimiyyəti və Cəfər Cabbarlı Mədəniyyət Fondunun birgə təşkilatçılığı ilə görkəmli şair Mikayıl Müşfiqin 110 illik yubileyinə həsr olunan “Əbədiyyət nəğməsi” adlı poeziya günü keçirilib.

AZƏRTAC xəbər verir ki, Prezident İlham Əliyevin “Mikayıl Müşfiqin 110 illiyinin qeyd edilməsi haqqında” 2018-ci il 17 may tarixli Sərəncamına əsasən keçirilən tədbirdə şair Müşfiq Cabiroğlu XX əsr Azərbaycan ədəbiyyatının görkəmli nümayəndəsi, repressiya qurbanı Mikayıl Müşfiqin həyat və yaradıcılığından danışıb.

Yasamal Rayon İcra Hakimiyyəti başçısının humanitar məsələlər üzrə müavini Təravət Muradova Sərəncamın əhəmiyyətini vurğulayıb. O, ölməz və həmişəcavan Müşfiqin daim ürəklərdə yaşayacağını, onun yaratdığı solmaz sənət incilərinin yaddaşlara əbədi həkk olunduğunu söyləyib.

Çıxış edənlər Mikayıl Müşfiqin şeirlərini söyləyərək poeziya gününə rəng qatıblar.

Yubiley tədbiri nakam şair Mikayıl Müşfiqin ata ocağında - Xızı rayonunun Sayadlı kəndində davam etdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.