Bakı, 9 fevral, Ramiz Quliyev, AZƏRTAC

Mikrosahibkarlıq subyekti olan müəssisələrə sahibkarlıq fəaliyyətinin stimullaşdırılması baxımından hansı azadolma tətbiq ediləcək?

Vergilər Nazirliyinin media və kommunikasiya mərkəzindən AZƏRTAC-ın sualına cavab olaraq bildirilib ki, mikrosahibkarlıq subyekti olan hüquqi şəxslərin sahibkarlıq fəaliyyətindən əldə etdikləri mənfəətin 75 faizi mənfəət vergisindən azaddır. Bundan əlavə, müəssisə paytaxtda fəaliyyət göstərirsə, Vergi Məcəlləsinin cari il yanvarın 1-dən qüvvəyə minmiş müddəalarına əsasən, sadələşdirilmiş verginin dərəcəsi Bakı şəhərində 4 faizdən 2 faizə endirilib.