İDMAN


“Milan” İtaliya A Seriyasında ardıcıl beşinci qələbəsini qazanıb

Bakı, 27 oktyabr, AZƏRTAC

Oktyabrın 26-da futbol üzrə İtaliya A Seriyasının X turunun oyunlarına start verilib.

AZƏRTAC xəbər verir ki, turun ilk oyun günündə üç qarşılaşma baş tutub.

Turnir cədvəlinin lideri "Milan" doğma azarkeşlər önündə "Torino" komandasını qəbul edib.

"San-Siro" stadionunda baş tutan görüş meydan sahiblərinin minimal hesablı qələbəsi ilə başa çatıb - 1:0.

Oyunda yeganə qolun müəllifi matçın 14-cü dəqiqəsində Olivye Jiru olub.

Bu nəticədən sonra "Milan" 28 xalla liderliyini qoruyub. Xallarını 11-ə çatdıran "Torino" isə 13-cü pillədə qərarlaşıb.

Günün digər görüşlərində "Salernitana" səfərdə "Venesiya"nı 2:1 hesabı ilə məğlub edib. "Spesiya" - "Genoa" matçında qalib müəyyənləşməyib - 1:1.

Turun digər görüşləri oktyabrın 27-də təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.