CƏMİYYƏT


Milli Hidrometeorologiya Xidməti: Girdimançay-Qaranohura xırdadənəli dolu düşüb

Bakı, 15 may, AZƏRTAC

Mayın 15-i səhərədək ölkə ərazisində hava şəraiti əsasən yağmursuz keçib, lakin mayın 14-də Böyük Qafqazın bəzi yerlərində qısamüddətli yağış yağıb, ayrı-ayrı yerlərdə leysan xarakterli intensiv olub.

Milli Hidrometeorologiya Xidmətinin AZƏRTAC-a verdiyi məlumata əsasən, düşən yağıntının miqdarı Girdimançay-Qaranohurda (İsmayıllı) 48 (aylıq normanın 41 faizi), Kişçayda (Şəki) 34, Dəmiraparançayda (Qəbələ) 17, İsmayıllı, Sarıbaşda (Qax) 5, Qəbələ, Şamaxıda 2 millimetr olub.

Şimal-qərb küləyi əsib, Naftalanda 18, Salyanda 16, Abşeron yarımadası və Abşeron dəniz rayonunda arabir 17 metr/saniyəyədək güclənib.

Girdimançay-Qaranohura xırdadənəli dolu düşüb.

Havanın maksimal temperaturu Bakıda və Abşeron yarımadasında 19-21°, aran rayonlarında 22-31°, dağlıq rayonlarda 19°-dək, Naxçıvan Muxtar Respublikasında isə 22-27° isti olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.