REGİONLAR


Milli Konservatoriyanın musiqi kollecinin kollektivi Qubada konsert proqramı ilə çıxış edib

Bakı, 13 yanvar, AZƏRTAC

Yanvarın 12-də Quba Rayon Uşaq İncəsənət Məktəbində 31 Dekabr - Dünya Azərbaycanlılarının Həmrəylik Günü və Yeni il bayramı münasibətilə konsert keçirilib.

AZƏRTAC xəbər verir ki, konsertdə Azərbaycan Milli Konservatoriyası nəzdində musiqi kollecinin müəllimləri İradə Rəfizadə, Rəna Kamilova və tələbələr iştirak ediblər.

Konsertdən əvvəl məktəbin direktoru Mirkazım Cəfərov çıxış edib, tamaşaçılara əlamətdar bayramlar münasibətilə xoş arzularını çatdırıb.

Sonra Fidan Əliyarzadə, Fatimə Məmmədzadə, Vahidə Seyidova, Röya Şahpələngova, Amalya Ağayeva, İradə Məlikova, Zəhra İsmayılova, Fidan Nəsirova, Camalə Abdinzadə, Ülkər Əsədova, Jalə Həmzəyeva, Müjgan Məmmədli və Sara Mustafayevanın ifasında Azərbaycan və Avropa bəstəkarlarının əsərləri səsləndirilib.

Kollecin müəllimi Rəna Kamilova məktəbin müəllim və tələbələrinə təşəkkürünü bildirib, onlara gələcək fəaliyyətlərində uğurlar arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.