İDMAN


Milli Paralimpiya komandamızın ilk heyəti Tokioda yerləşən Atletlər kəndinə gedib

Bakı, 20 avqust, AZƏRTAC

Milli Paralimpiya komandamızın ilk heyəti Tokioda yerləşən Atletlər kəndinə gedib.

AZƏRTAC xəbər verir ki, Yaponiyanın Şika şəhərində beynəlxalq təlim-məşq toplanışında iştirak edən üzgüçülük üzrə milli komandamız avqustun 20-də Atletlər kəndində yerləşiblər.

“Tokio-2020” Yay Paralimpiya Oyunlarının üzgüçülük yarışlarında ölkəmizi Vəli İsrafilov, Danna Şandıbina və Saleh Raman təmsil edəcəklər.

“Tokio-2020”də ölkəmizi idmanın 6 növündə 47 kateqoriya üzrə rekord sayda - 36 idmançı təmsil edəcək. Atletlərimizin 24-ü kişi və 12-si qadındır.

Paralimpiadanın açılış mərasimi avqustun 24-də Tokio Milli Olimpiya Stadionunda keçiriləcək. Mötəbər yarışda üçrəngli bayrağımızı ikiqat Paralimpiya çempionu, “Bakı-2015” ilk Avropa Oyunlarının qalibi və yığmanın kapitanı İlham Zəkiyev aparacaq.

Qeyd edək ki, XVI Yay Paralimpiya Oyunları avqustun 24-dən sentyabrın 5-dək Tokioda keçiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.