İDMAN


Milli Qəhrəman Tahir Həsənovun xatirəsinə həsr olunan taekvondo üzrə açıq birincilik keçiriləcək

Bakı, 24 avqust, AZƏRTAC

Sentyabrın 21-22-də Şağan Olimpiya İdman Kompleksində Azərbaycanın Milli Qəhrəmanı Tahir Həsənovun xatirəsinə həsr olunan taekvondo üzrə açıq birincilik keçiriləcək.

AZƏRTAC xəbər verir ki, yarışda 2002-2004-cü, 2005-2007-ci, 2008-2009-cu, 2010-2011-ci il təvəllüdlü oğlan və qızlar mübarizə aparacaqlar.

Uşaq, yeniyetmə və gənc taekvondoçular arasında təşkil olunacaq turnirin məqsədi bu idman növünü təbliğ və inkişaf etdirmək, ən yaxşı məktəbli taekvondoçuları aşkarlamaq, yığmaya namizədləri seçmək, məktəblərdə taekvondoya marağı artırmaq, məktəbliləri bu idman növü ilə müntəzəm məşğul olmağa cəlb etmək, onların ustalıq səviyyəsini artırmaqdır.

Yarış Bakı Şəhər Gənclər və İdman Baş İdarəsi, Azərbaycan Məktəb İdmanları Federasiyalarının təşkilatçılığı, Gənclər və İdman Nazirliyinin, Azərbaycan Taekvondo Federasiyasının dəstəyi ilə beynəlxalq taekvondo qaydalarına uyğun keçirilir.

Turnirdə hər çəki dərəcəsində fəxri yerləri tutmuş idmançılar müvafiq dərəcəli diplom, medallar və xatirə hədiyyələri ilə mükafatlandırılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.