CƏMİYYƏT


Milli Televiziya və Radio Şurasının növbəti iclası olub

Bakı, 14 sentyabr, AZƏRTAC

Sentyabrın 14-də Milli Televiziya və Radio Şurasının növbəti iclası keçirilib.

Şuradan AZƏRTAC-a verilən məlumata görə, iclasda teleradio yayımçılarının yeni mövsümə hazırlıq vəziyyəti, “Tütün məmulatlarının istifadəsinin məhdudlaşdırılması haqqında” 1 dekabr 2017-ci il tarixli Azərbaycan Respublikası Qanununun və kabel şəbəkəsi (İP TV) yayımı zamanı qanunvericiliyin icra vəziyyəti müzakirə olunub.

İclasda “Tütün məmulatlarının istifadəsinin məhdudlaşdırılması haqqında” Qanunun 12.2, 14.1.4-cü maddələrinin tələblərinin teleradio yayımçıları tərəfindən icra edilmədiyi vurğulanıb, edilmiş xəbərdarlıqdan sonra müvafiq tədbirlərin görülmədiyi təqdirdə inzibati tənbeh tədbirlərinin tətbiq edilməsi məqsədəmüvafiq hesab edilib. İclasda, eyni zamanda, kabel şəbəkəsi yayımçıları tərəfindən teleradio təşkilatlarının razılığı olmadan onların verilişlərindən (proqramlarından) istifadə edilməsinə və ya mülkiyyətçilərin razılığı olmadan proqramların (verilişlərin) yayımlanmasına, köçürülməsinə (tirajının çoxaldılmasına), satılmasına və ya kütləvi nümayişinə görə inzibati tənbeh tədbirlərinin tətbiq edilməsi ilə bağlı məsələ müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.