Millimiz yoldaşlıq oyununda Şimali Makedoniya yığmasına məğlub olub

Bakı, 27 mart, AZƏRTAC

Bakıda təlim-məşq toplanışını başa vuran 19 yaşadək futbolçulardan ibarət Azərbaycan milli komandası hazırlıq çərçivəsində növbəti yoldaşlıq oyununu keçirib.

AZƏRTAC xəbər verir ki, “Dalğa Arena”da Şimali Makedoniyanın müvafiq yaş qrupundan ibarət komandasına qarşı keçirilmiş oyun 2:1 hesabı ilə rəqibin xeyrinə başa çatıb. Millimizin heyətində 49-cu dəqiqədə Sənan Ağalarov fərqlənib.

Qeyd edək ki, bu komandalar arasında keçirilmiş ilk oyun 0:0 hesabı ilə nəticələnmişdi.