İDMAN


Millimizin sabiq futbolçusu Rusiyada klubunu dəyişib

Bakı, 13 sentyabr, AZƏRTAC

Futbol üzrə Azərbaycanın gənclərdən ibarət yığmasının sabiq hücumçusu Kamran Əliyev Rusiyanın “Ximki” klubundan ayrılıb.

AZƏRTAC xəbər verir ki, 22 yaşlı futbolçu qonşu ölkənin digər təmsilçisi “SKA-Xabarovsk” klubuna keçib. Bu barədə azərbaycanlı hücumçunun yeni klubu məlumat yayıb. Xabarovsklular futbolçunu 2021/2022-ci il mövsümünün sonunadək icarəyə götürüblər.

“SKA-Xabarovsk” Rusiya Milli Futbol Liqasında (Premyer Liqadan sonrakı ən güclü liqa) mübarizə aparır. K.Əliyev artıq yeni komandasında debüt də edib. O, Moskva “Spartak”ının ikinci komandası (0:1) və Vladiqafqaz “Alaniya”sı ilə (1:3) oyunların iştirakçısı olub. Xabarovsk təmsilçisi bu mövsüm keçirdiyi 10 oyunda 17 xal toplayıb və 20 kollektiv arasında 8-ci pillədə qərarlaşıb.

“SKA-Xabarovsk”da vaxtilə Azərbaycanın aşağı yaş qrupları üzrə yığmalarında oynamış David Qarayev də forma geyinir. Sözügedən klub onu da Yekaterinburq “Ural”ından icarəyə götürüb. Komandanın baş məşqçisi isə vaxtilə Azərbaycanda “Simurq” komandasını da çalışdırmış Sergey Yurandır. O, vaxtilə K.Əliyevin “Ximki”də baş məşqçisi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.