REGİONLAR


Mingəçevir Dövlət Universitetində “Özündən başla” adlı psixoloji seminar təşkil edilib

Bakı, 28 may, AZƏRTAC

Mingəçevir Dövlət Universitetində (MDU) Magistratura və Doktorantura Təhsil Mərkəzi (MDTM), Karyera və İnkişaf Mərkəzinin (KİM) birgə təşkilatçılığı ilə tələbələr və magistrantlar üçün “Özündən başla” mövzusunda psixoloji seminar keçirilib.

Universitetdən AZƏRTAC-a bildiriblər ki, seminarda MDU-nun magistrantı, psixoloq Könül Məmmədova təqdimatla çıxış edib.

Təqdimatda gənclərə təsir göstərən psixoloji amillərdən bəhs edən K.Məmmədova pozitiv valideyn-övlad münasibəti, cəmiyyətdə əlverişli sosial və psixoloji mühitin formalaşması, özünü və ətrafdakı insanları motivasiya etməyin yolları barədə danışıb və iştirakçıların suallarını cavablandırıb.

Seminar tələbə və magistrantlar tərəfindən maraqla qarşılanıb.

Qeyd edək ki, hazırda müasirləşmə mərhələsində olan MDU-da tələbə və magistrantların hərtərəfli inkişafı diqqət mərkəzində saxlanılır, onların əlavə bilik və bacarıqlarının artırılması məqsədilə müvafiq tədbirlərin keçirilməsinə xüsusi önəm verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.