REGİONLAR


Mingəçevir Dövlət Universitetində işarə dili və diksiya təlimləri keçirilib

Bakı, 2 dekabr, AZƏRTAC

Mingəçevir Dövlət Universitetində (MDU) Diksiya akademiyasının təlimçisi, televiziya aparıcısı və müxbiri Nuranə Abıyeva tərəfindən tələbə gənclər üçün “Nə üçün işarə dilini bilməliyik?” və “Səlis danışığınla fərqlənməyi bacar” mövzularında iki günlük təlimlər keçirilib.

MDU-dan AZƏRTAC-a bildirilib ki, “Nə üçün işarə dilini bilməliyik?” adlı təlimdə N.Abıyeva işarə dilinin mahiyyətindən, onun öyrənilməsinin vacibliyi və əhəmiyyətindən, nəzəri və praktiki məsələlərindən danışıb.

“Səlis danışığınla fərqlənməyi bacar” adlı təlimdə isə düzgün nitqə və sərbəst danışığa malik olmaq, səhnə xofu və həyəcanın öhdəsindən gəlmək üçün lazım olan metodlardan bəhs edilib.

Təlimlər tələbələr tərəfindən böyük maraqla qarşılanıb.

Qeyd edək ki, gənclərin hərtərəfli inkişafını diqqət mərkəzində saxlayan MDU-da tələbələrin əlavə bilik və bacarıqlarının artırılmasına hədəflənən müvafiq təlimlərin keçirilməsinə xüsusi önəm verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.