MƏDƏNİYYƏT


Mingəçevir Dövlət Universitetində turizm mövzusuna həsr olunan layihənin ilk modul təlimi keçirilib

Bakı, 15 noyabr, AZƏRTAC

Noyabrın 14-də Mingəçevir Dövlət Universitetinin (MDU) təşkilatçılığı, Azərbaycan Respublikasının Dövlət Turizm Agentliyinin dəstəyi, Azərbaycan Turizm və Menecment Universitetinin, Mingəçevir Turizm Kollecinin tərəfdaşlığı ilə icra olunan “Turizm sahəsi üzrə kadr hazırlığında yeni çağırışlar: təcrübə və karyera imkanları” mövzusunda birgə layihənin ilk modul təlimi keçirilib.

AZƏRTAC xəbər verir ki, “ZOOM” platforması üzərindən online formatda təşkil edilən təlimi açan MDU-nun dekan müavini Cəlil Bağırov iştirakçıları Müzəffər Ali Baş Komandanımızın rəhbərliyi və Azərbaycan Ordusunun rəşadəti sayəsində əldə olunan tarixi qələbə münasibətilə təbrik edib.

Sonra C.Bağırov təlimin mövzusu və təlimçi haqqında iştirakçılara məlumat verib.

Şəki Destinasiya Menecmenti Təşkilatının direktoru Sabina Yadullayeva “Azərbaycanda Destinasiya Menecmenti Təşkilatları (DMT) və Şəki Regional DMT-nin iş prinsipləri” mövzusunda çıxış edib. O, destinasiyalar, bu istiqamət üzrə müvafiq ixtisaslar, bölgənin turizm imkanlarından istifadə, turizm məkanlarının yerli və xarici turistlər üçün əlçatanlığı, tələbələrin təcrübə keçməsinin önəmi və digər məsələlərdən bəhs edib.

Məruzəçi təlim iştirakçılarının mövzu barədə çoxsaylı suallarını cavablandırıb.

Sonda C.Bağırov layihə çərçivəsində keçirilməsi nəzərdə tutulan növbəti modullar üzrə təlimlər barədə məlumat verib.

Qeyd edək ki, təlimlərdə MDU, Azərbaycan Turizm və Menecment Universiteti və Mingəçevir Turizm Kollecinin əməkdaşları və tələbələri ilə yanaşı, mövzu ilə maraqlanan istənilən şəxs iştirak edə bilər. Bütün modullara qoşulan iştirakçılar layihənin sonunda müvafiq sertifikat əldə edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.