REGİONLAR


Mingəçevir Dövlət Universitetinin əməkdaşı “ASAN xidmət” mərkəzində seminar keçirib

Bakı, 21 fevral, AZƏRTAC

Mingəçevir Dövlət Universitetinin (MDU) “Pedaqogika və psixologiya” kafedrasının əməkdaşı Nərgiz Həsənova “ASAN xidmət” mərkəzində könüllülərə “Eqo və özgüvən” mövzusunda psixoloji seminar keçirib.

Universitetdən AZƏRTAC-a bildiriblər ki, seminarda N.Həsənova eqo və özgüvən anlayışlarının mahiyyəti, onlar arasındakı fərqlər, insanın şəxsiyyət kimi formalaşmasında və ətraf aləmlə münasibətlərində bu hisslərin təsirləri haqqında danışıb və mövzu ilə bağlı müxtəlif psixoloji situasiyalara uyğun məsləhətlər verib.

Qeyd edək ki, şəhər və ətraf rayonların hərtərəfli inkişafına töhfə verməyi başlıca strateji vəzifələrdən biri olaraq müəyyən edən MDU-da universitetdə təhsil alan tələbələrlə yanaşı, region gənclərinin maarifləndirilməsi, bilik və bacarıqlarının artırılması, karyera yüksəlişi və digər istiqamətlərdə inkişafına xidmət edən layihələrə də xüsusi əhəmiyyət verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.