REGİONLAR


Mingəçevir Dövlət Universitetinin tərəfdaşlıq etdiyi EQAC Erasmus+ layihəsinin yekun konfransı keçirilib

Bakı, 16 oktyabr, AZƏRTAC

Mingəçevir Dövlət Universitetinin (MDU) tərəfdaşlıq etdiyi və Bakı Biznes Universitetinin (BBU) koordinatorluğu ilə təşkil olunan “Azərbaycan universitetlərində keyfiyyət təminatı mərkəzlərinin yaradılması və inkişaf etdirilməsi” (EQAC) adlı Erasmus+ layihəsinin yekun konfransı keçirilib.

“Zoom” platforması üzərindən onlayn formatda təşkil edilən konfransa MDU-dan layihə üzrə aidiyyəti akademik və inzibati heyət üzvləri də qatılıblar.

MDU-dan AZƏRTAC-a bildiriblər ki, Azərbaycan Respublikası Təhsil Nazirliyinin, Avropa İttifaqının ölkəmizdəki nümayəndəliyinin, Erasmus+ Milli Ofisinin, yerli və xarici tərəfdaşların təmsil olunduğu konfransda beş mərhələ üzrə həyata keçirilən layihənin uğurla başa vurulduğu qeyd edilib, əldə olunmuş faydalı nəticələrdən, beynəlxalq təcrübələrdən və gələcək əməkdaşlıq istiqamətlərindən danışılıb.

Qeyd edək ki, hazırda müasirləşmə mərhələsində olan MDU-da keyfiyyətin təminatı məsələlərinə xüsusi önəm verilir, bu məqsədlə beynəlxalq proqram və layihələrdə fəal iştirakın təmin edilməsi diqqət mərkəzində saxlanılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.