REGİONLAR


Mingəçevirdə sağlamlıq imkanları məhdud uşaqlar bayram sevinci yaşayıb

Mingəçevir, 31 may, Rauf Hacıyev, AZƏRTAC

1 iyun - Uşaqların Beynəlxalq Müdafiəsi Günü münasibətilə Mingəçevir Şəhər Mərkəzi Xəstəxanasının nəzdində fəaliyyət göstərən Uşaq Nevroloji Sanatoriyasında bayram tədbiri keçirilib.

AZƏRTAC-ın bölgə müxbiri xəbər verir ki, sağlamlıq imkanları məhdud uşaqlar üçün təşkil olunan şənlikdə Mingəçevir Şəhər İcra Hakimiyyətinin rəhbərliyi, Mingəçevir Şəhər Mərkəzi Xəstəxanasının nümayəndələri balacaların sevincinə şərik olub, onları bayram münasibətilə təbrik ediblər. Qeyd olunub ki, ölkəmizdə bütün uşaqlar yüksək dövlət qayğısı ilə əhatə olunub, əlverişli mənəvi və sosial mühitdə böyümələri üçün zəruri şərait yaradılıb.

Xüsusi qayğıya ehtiyacı olan uşaqların bayram şənliyinə qatılan klounlar, nağıl personajları fidanları əyləndirib, musiqili proqram təqdim ediblər. Gələcəyimiz olan uşaqlara bayram hədiyyələri bağışlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.