CƏMİYYƏT
Mingəçevirdə yeniyetməyə qarşı soyğunçuluq edən şəxslər tutulub
Bakı, 5 noyabr, AZƏRTAC
Mingəçevir şəhər sakini olan bir yeniyetməyə zor tətbiq edən 2 nəfərin onun mobil telefonunu alması barədə Şəhər Polis Şöbəsinə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, soyğunçuluğu törətməkdə şübhəli bilinən Gəncə şəhər sakinləri İ.İzzətov, S.İsgəndərov və Mingəçevir şəhər sakini A.Salahov Mingəçevir Şəhər Polis Şöbəsi və Gəncə Şəhər Baş Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində saxlanılıb, sonuncudan 1 ədəd bıçaq götürülüb.
Faktla əlaqədar Cinayət Məcəlləsinin 180-ci (soyğunçuluq) maddəsi ilə cinayət işi başlanıb.