İDMAN


Minskdəki idman qurğuları II Avropa Oyunlarını qəbul etməyə tam hazırdır

Bakı, 9 aprel, AZƏRTAC

Minskdəki idman qurğuları II Avropa Oyunlarını qəbul etməyə tam hazırdır.

AZƏRTAC TASS agentliyinə istinadla xəbər verir ki, bunu II Avropa Oyunlarının koordinasiya komissiyasının sədri, Yunanıstan Milli Olimpiya Komitəsinin (MOK) prezidenti Spiros Kapralos deyib.

S.Kapralos bildirib ki, hazırda bütün arenalar hazırdır. Təkcə arenalarda deyil, həm də burada işləyən və oyun zamanı bütün prosesləri idarə edəcək heyətin də hazırlığı yüksək səviyyədədir.

II Avropa Oyunları iyunun 21-dən 30-dək Minskdə keçiriləcək. Yarışlarda 50 ölkədən 4 mindən çox idmançı iştirak edəcək. Atletlər idmanın 15 növü üzrə 199 dəst medal uğrunda yarışacaqlar.

Xatırladaq ki, birinci Avropa Oyunları 2015-ci il iyunun 12-28-də Bakıda keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.