SİYASƏT


Misir KİV-ləri Ermənistanın humanitar atəşkəsi pozmasından yazıb

Qahirə, 13 oktyabr, AZƏRTAC

Misirin informasiya portalları işğalçı Ermənistanın Moskvada elan edilmiş humanitar atəşkəs rejimini pozması barədə xəbərlər yerləşdirib.

AZƏRTAC xəbər verir ki, geniş oxucu auditoriyasına malik “Almasryalyoum” nəşrində Azərbaycan Xarici İşlər naziri Ceyhun Bayramovun Ermənistanın humanitar atəşkəsi pozması, yaşayış məntəqələrinə, o cümlədən ölkəmizin ikinci şəhəri olan Gəncəyə raket zərbələri endirməsi barədə bəyanatı yayılıb.

“Elamwal” informasiya portalı isə AZƏRTAC-ın xəbərlərinə və fotoşəkillərinə istinadla Gəncənin raket hücumuna məruz qalması, mülki obyektlərin və evlərin dağıdılması, dinc sakinlərin həlak olması barədə material yerləşdirib.

Misirin “Aldiplomasy”, “Dostor”, “Garbnews” internet nəşrləri isə Qoşulmama Hərəkatının oktyabrın 9-da videokonfrans formatında keçirilmiş Nazirlər səviyyəsində görüşünün iştirakçılarının Azərbaycanın müstəqilliyi, ərazi bütövlüyü və suverenliyinə qəti dəstəyi ifadə edilən xüsusi bəyanatını yayıb.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.