CƏMİYYƏT


Misir mətbuatı Ermənistanın növbəti hərbi təxribatından yazıb

Qahirə, 4 iyul, AZƏRTAC

Misirin “Nil”, “Şuruq” və “Əxbar Əl Yom” qəzetlərində Ermənistanın Azərbaycanla sərhəddə törətdiyi növbəti hərbi təxribat haqqında xəbərlər dərc olunub.

AZƏRTAC-ın Azərbaycan Müdafiə Nazirliyinin məlumatı əsasında ərəb dilində yaydığı xəbərə istinadla bildirilib ki, iyulun 4-ü gecə saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Zərkənd yaşayış məntəqəsi istiqamətində yerləşən mövqelərindən Kəlbəcər rayonunun Dəmirçidam yaşayış məntəqəsi istiqamətində yerləşən Ordumuzun mövqelərini iriçaplı silahlardan intensiv atəşə tutub.

Xəbərlərdə diqqətə çatdırılıb ki, Azərbaycan Ordusunun bölmələri tərəfindən adekvat cavab tədbirləri görülüb və hazırda qeyd olunan istiqamətdə vəziyyət sabitdir.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.