SİYASƏT
Misir mətbuatı: Prezident İlham Əliyev Türkiyədə ən yüksək səviyyədə qəbul edilib VİDEO
Qahirə, 17 yanvar, AZƏRTAC
Misirin “Əl Məsr əl youm” internet qəzetində Azərbaycan Prezidenti İlham Əliyevin Türkiyəyə dövlət səfəri barədə məlumat yerləşdirilib.
Məlumatda qeyd edilir ki, Prezident İlham Əliyevin Ankarada rəsmi qarşılanma mərasimi ən yüksək səviyyədə keçirilib. Azərbaycan Prezidenti İlham Əliyev süvari dəstəsinin müşayiəti ilə Türkiyə Prezidentinin Sarayına gəlib.
Mərasimdə tarixi türk dövlətlərinin hərbi formasını geyinmiş 16 türk əsgəri iştirak edib. Azərbaycan Prezidentinin şərəfinə toplardan yaylım atəşi açılıb. Sonra Prezident İlham Əliyev əsgərləri salamlayıb, hər iki dövlət başçısı rəsmi foto çəkdiriblər.
İnformasiyanın tam mətni ilə aşağıdakı link vasitəsilə tanış olmaq mümkündür:
http://www.almasryalyoum.com/news/details/630815
Asya Hacızadə
AZƏRTAC-ın xüsusi müxbiri
Qahirə