MƏDƏNİYYƏT


Misir portalı “Şuşa həqiqətləri” sənədli videoçarxı haqqında məqalə yayıb

Qahirə, 16 noyabr, AZƏRTAC

Misirin “Nile1” informasiya portalının baş redaktoru Mahmud Diab Azərbaycanın qədim şəhəri olan Şuşa barədə Dövlət Tərcümə Mərkəzinin hazırladığı “Şuşa həqiqətləri” videoçarxı haqqında məqalə yazıb.

AZƏRTAC xəbər verir ki, “Şuşa həqiqətləri: Azərbaycan ermənilərin Qarabağda törətdikləri vəhşilikləri sənədləşdirir” sərlövhəli məqalədə Şuşanın tarixindən, Rusiya və İran arasında bağlanmış Türkmənçay müqaviləsinə əsasən Dağlıq Qarabağa köçürülmüş ermənilərin Azərbaycanın qədim mədəniyyət mərkəzi olan bu şəhərdə törətdiyi vəhşiliklərdən ətraflı bəhs edilir. Qeyd olunur ki, beynəlxalq internet məkanında, sosial şəbəkələrdə ingilis, rus, türk, fars, ərəb, gürcü, fransız, ukrain, ispan və alman dillərində yayımlanacaq material xarici ölkələrin Azərbaycanda akkreditə olunmuş səfirlik və nümayəndəliklərinə, dünyanın nüfuzlu kütləvi informasiya vasitələrinə göndərilib. Hazırda Azərbaycanın Misirdəki səfirliyi bu videoçarxı qəzetlərdə, informasiya portalları və televiziya kanallarında yayır.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.