CƏMİYYƏT


Misir qəzetinin portalında Azərbaycan Xalq Cümhuriyyətinin 100 illiyi ilə bağlı geniş məlumat verilib

Qahirə, 27 may, AZƏRTAC

Ərəb dünyasının nüfuzlu media qurumlarından biri olan “Əl-Əhram İnternational” qəzetinin portalında Azərbaycanın Misirdəki Diaspor Təşkilatları Birliyinin sədri, tədiqatçı-alim Seymur Nəsirovun geniş müsahibəsi dərc olunub.

AZƏRTAC xəbər verir ki, müsahıbədə S.Nəsirov Azərbaycan Xalq Cümhuriyyətinin 100 illiyi ilə bağlı geniş məlumat verib və Azərbaycanın demokratik dövlət quruculuğundakı uğurlarından bəhs edib. Cümhuriyyətin tarixinə, keçdiyi şərəfli yola nəzər salan diaspor rəhbəri müsəlman Şərqinin ilk demokratik respublikasının xalqımızın qürur mənbəyi olduğunu vurğulayıb, ölkəmizlə yanaşı, dünyanın hər yerində davam edən yubiley tədbirlərinin əhəmiyyətini diqqətə çatdırıb. O bildirib ki, tədbirlərin təntənəli keçirilməsində, Cümhuriyyətin yaranma tarixi və o dövrdə görülən işlərlə bağlı dünya ictimaiyyətinin məlumatlandırılmasında Azərbaycan diasporu əvəzsiz rol oynayır. S.Nəsirov 1991-ci ildə Azərbaycan xalqını yenidən müstəqillik qazanandan sonra üzləşdıyı çətinliklərdən xilas edən ümummilli lider Heydər Əliyevin əvəzsiz xidmətlərindən və onun yolunu davam etdirən Prezident İlham Əliyevin müdrik siyasətindən, ölkəmizin bu gün regionda ən güclü dövlətə çevrilməsindən söhbət açıb.

Böyük sərvətləri olan Azərbaycanın əsrlərboyu hegemon ölkələr tərəfindən işğallara məruz qaldığını bildirən S.Nəsirov öz müstəqilliyini tələb edən Azərbaycan xalqına qarşı törədilən 20 yanvar faciəsi barədə də ətraflı məlumat verib.

Diaspor rəhbəri, həmçinin ərəb mənbələrinə istinad edərək Bakı neftinin ikinci dünya müharibəsindəki qələbədə əvəzsiz rolunu qeyd edib. O, Misirlə Azərbaycanın tarixi-mədəni əlaqələrindən söhbət açaraq, hazırda dövlətlərimiz arasında bütün sahələrdə yüksək səviyyədə əlaqələrin olduğunu və gündən-günə inkişaf etdiyini diqqətə çatdırıb.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.