DÜNYA


Misirdə 52 təhlükəli terrorçu məhv edilib

Qahirə, 8 oktyabr, AZƏRTAC

Misir Silahlı Qüvvələrinin yaydığı bəyanatda deyilir ki, “Sinay 2018” antiterror əməliyyatının gedişində 52 təhlükəli terrorçu məhv edilib.

AZƏRTAC xəbər verir ki, bəyanatda Misir Hərbi-Hava Qüvvələri tərəfindən Sinay yarımadasının şimalında terrorçuların yeddi sığınacağının, həmçinin yaraqlıların qərb sərhədini keçmək üçün istifadə etdikləri 28 nəqliyyat vasitəsinin məhv edildiyi bildirilir. Hərbçilərin məlumatına görə, əməliyyatın gedişində 26 təhlükəli ekstremist zərərsizləşdirilib. Əməliyyat yerində avtomat silahlar, sursat, qumbaralar, hərbi formalar, intihar kəməri və terrorçuların Sinay yarımadasının mərkəzi və şimal ərazilərində hərbçilərin hərəkətini izləmək üçün istifadə etdikləri pilotsuz hava aparatı aşkar edilib.

Silahlı Qüvvələrin bəyanatında vurğulanıb ki, təhlükəsizlik qüvvələri tərəfindən Sinay yarımadasının şimalındakı əl-Ariş şəhərində daha 26 təhlükəli ekstremist zərərsizləşdirilib. Bu ərazidə də avtomat silahlar, tüfənglər, əldəqayırma bombalar tapılıb. Təhlükəsizlik qüvvələri 26 nəqliyyat vasitəsi, 52 motosiklet, külli miqdarda partlayıcı maddə və terrorçuların silah-sursat saxlanılan bir neçə sığınacağını məhv edib. Bəyanatda o da qeyd olunur ki, mütəxəssislər tərəfindən çoxlu miqdarda partlayıcı qurğu zərərsizləşdirilib.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.