CƏMİYYƏT


Misirdə Dünya Gənclər Forumu keçiriləcək

Bakı, 23 oktyabr, AZƏRTAC

Noyabrın 4-də Misirin Şarm əl-Şeyx şəhərində Dünya Gənclər Forumu keçiriləcək.

Misir səfirliyinin Mədəniyyət və Təhsil Əlaqələri Mərkəzindən AZƏRTAC-a bildirilib ki, bütün qitələrdən üç min qonağı bir arada gətirəcək forumda dövlət başçıları, digər yüksək vəzifəli şəxslər, dünyanın müxtəlif gənclər təşkilatlarının nümayəndələri iştirak edəcəklər.

Tədbirdə davamlı inkişafın məqsədlərinə nail olmaq üçün beynəlxalq təcrübə, sahibkarlıq sahəsində ixtiraçı gənclərin təcrübələrinin təqdimatı, texnologiyaların gənclərə təsiri, qərar qəbul edən dairələrdə qadınların rolu, habelə siyasi, sosial və iqtisadi iştirakın necə təşviq edilməsi məsələləri nəzərdən keçiriləcək.

Misir Prezidenti Əbdul Fəttah əs-Sisi noyabrın 9-dək davam edəcək forumu yüksək səviyyədə, heç bir ölkənin təcrübəsindən istifadə olunmadan təşkil edəcəklərinə əminliyini bildirib.

Qeyd edək ki, dünyaya böyük mədəniyyət mesajı verəcək forum Misir xalqının, xüsusən də gənc nəslin insan və mədəniyyət ünsiyyətinin önəminə əhəmiyyət verdiyinin göstəricisi kimi qiymətləndirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.