DÜNYA


Misirdə Fironlar Məbədində dini ayin alətləri tapılıb

Qahirə, 19 sentyabr, AZƏRTAC

Misirin paytaxtı Qahirənin şimalında yerləşən Kəfr Əl-Şeyx ərazisindəki Fironlar Məbədində dini ayin zamanı istifadə edilən alətlər tapılıb.

AZƏRTAC xəbər verir ki, bu barədə Misirin Qədim Abidələr üzrə Ali Şurasının mətbuata açıqlamasında bildirilib.

Arxeoloqların məbədin ətrafında apardıqları qazıntılar zamanı Qədim Misirin Hasor ilahəsinə, Horus tanrısına ibadət zamanı kahinlərin istifadə etdikləri gil qablar, kiçik heykəllər, kürsü, təmiz qızıldan düzəldilmiş Udcat gözləri (tanrı Horusun gözləri) və digər qiymətli əşyalar aşkar edilib.

Arxeoloqlar bildiriblər ki, məbədin divarlarının qalıqları altından fil sümüyü ilə bəzədilmiş qadın zinət əşyaları, həmçinin üzərində heroqliflər, təbiət mənzərələri və heyvan rəsmləri olan lövhələr tapılıb. Bu tapıntılar da ayinlər zamanı istifadə olunub. Heroqliflərdə fironların 26-cı sülaləsinin hökmdarları I Psamtik, II Ahmos və Vaha Ip-Ranın adları yazılıb.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.