DÜNYA


Misirdə dəmir yolu qəzası qurbanlarının sayı 23-ə çatıb

Qahirə, 21 aprel, AZƏRTAC

Misirdə bazar günü baş vermiş dəmir yolu qəzasında həlak olanların sayı 23-ə çatıb.

AZƏRTAC xəbər verir ki, bu barədə açıqlama verən Misirin səhiyyə naziri daha 139 sərnişinin yaralandığını bildirib. Hazırda paytaxt Qahirənin xəstəxanalarında müalicə olunan yaralılardan bir neçəsinin vəziyyəti ağırdır.Son bir ayda ard-arda baş verən 3 dəmir yolu qəzası ilə əlaqədar Misir baş prokurorluğu ölkənin Dəmir Yolu Departamentinin 23 işçisinin həbsi barədə sanksiya verib. Baş prokuror Hamada Əl-Savi bildirib ki, Qalyubiyyədə relsdən çıxmış qatarın maşinisti və onun köməkçisi, habelə çoxlu sayda işçilərə qarşı səhlənkarlıq maddəsi ilə cinayət işi qaldırılıb.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.