DÜNYA


Misirdə məhkumlarla polis arasında insident zamanı 7 nəfər ölüb

Qahirə, 24 sentyabr, AZƏRTAC

Misirin paytaxtındakı Tora həbsxanasında polislə məhkumlar arasında baş vermiş insident zamanı 7 nəfərin öldüyü bildirilir. Rəsmi mənbələrdən “Əl Əhram” qəzetinə məlumat veriblər ki, ölənlərin 3-ü qanun keşikçisidir.

Qəzetin xəbərində qeyd olunub ki, insident edam cəzasına məhkum edilmiş məhbusların həbsxanadan qaçmağa cəhd göstərdiyi vaxt baş verib. Polis əməkdaşlarını bıçaqla qətlə yetirən məhkumlara avtomat silahlardan atəş açılıb. Onlardan 4 nəfəri öldürülüb, bir neçəsi yaralanıb.

Qahirə prokurorluğu faktla bağlı təhqiqata başlayıb. Qaçmağa çalışan məhkumları soyuq silahla təmin edən şəxslərin müəyyən edilməsi istiqamətində araşdırma aparılır.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.