DÜNYA


Misirdə polis generalını qətlə yetirən 3 nəfər edam edilib

Bakı, 13 fevral, AZƏRTAC 

Misirdə 2013-cü ildə yüksək rütbəli polis zabitini qətlə yetirmiş və məhkəmə tərəfindən edam cəzasına məhkum edilmiş 3 nəfər barəsində ölüm hökmü icra olunub.

AZƏRTAC xarici KİV-lərə istinadla xəbər verir ki, Misirin hüquq müdafiəçilərinin məlumatına görə, beş il əvvəl polis general-mayoru Nabil Fərraqa qarşı sui-qəsd həyata keçirən Məhəmməd Fəraq, Məhəmməd Hemeyda və Salah Həsən adlı qatillər fevralın 13-də edam ediliblər.

2018-ci ilin yanvarında Misirin Apellyasiya Məhkəməsi də məhkumların vəkillərinin kassasiya şikayətinə baxaraq onların barəsində ölüm hökmünü qüvvədə saxlayıb. Məhkəmə sui-qəsddə iştirak edən və əvvəlki məhkəmə qərarı ilə edam cəzasına məhkum olunmuş digər dörd müttəhimi isə ömürlük həbs cəzasına məhkum edib. Daha 5 nəfərə 10 il müddətinə həbs cəzası verilib, bir nəfər bəraət alıb.

Misirin Daxili İşlər Nazirliyi rəsmi bəyanatla çıxış etməsə də, məhkumların vəkilləri hüquq müdafiəçilərinin məlumatını təsdiq ediblər.

2013-cü ilin sentyabrında paytaxt Qahirənin qərbində cinayətkarlara qarşı həyata keçirilən əməliyyat zamanı polis general-mayoru Nabil Fərraq öldürülüb və daha doqquz polis nəfəri və bir hərbçi yaralanıb. Qahirənin cinayət məhkəməsi cinayətkarların 12-si barəsində ölüm hökmü çıxarmışdı, lakin Apellyasiya Məhkəməsi onlardan doqquzunu ömürlük həbs cəzasına məhkum edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.