DÜNYA


Misirdə yeni neft və qaz yataqlarının işlənməsinə 750 milyon dollar sərmayə yatırılacaq

Qahirə, 13 fevral, AZƏRTAC

Misirin neft və mineral ehtiyatlar naziri Tarik Əl Mulla ölkənin 11 neft və qaz yatağının işlənməsi üçün elan edilmiş tenderin nəticələrini açıqlayıb.

AZƏRTAC xəbər verir ki, nazirin bildirdiyinə görə, bu yataqların işlənməsinə ümumilikdə 750 milyon dollar sərmayə yatırılacaq.

Bu perspektivli yataqların kəşfiyyatının aparılması və işlənməsi hüququnu ABŞ-ın “Exxon Mobil”, Böyük Britaniyanın “BP”, Böyük Britaniya-Niderlandın “Royal Dutch Shell”, İtaliyanın “Eni”, Malayziyanın “Petronas” və Almaniyanın “Dea” şirkətləri qazanıblar.

Yeni yataqlar Misirin Qırmızı dəniz sahillərindəki İsgəndəriyyə əyalətində, Süveyş körfəzində, Nil deltasında və ölkənın qərbindəki səhrada yerləşir.

Qeyd edək ki, son zamanlar Misir təbii neft və qaz hasilatını artırıb və keçən il ölkə özünü qazla tam təmin etdiyini açıqlayıb.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.