DÜNYA


Misirdə yol qəzasında azı 17 nəfər ölüb

Qahirə, 3 avqust, AZƏRTAC

Misir paytaxtından 390 kilometr aralıda yerləşən Sohaq vilayətinin Cuhaynah rayonunda sərnişin avtobusunun yük maşını ilə toqquşması nəticəsində azı 17 nəfərin öldüyü bildirilir.

AZƏRTAC xəbər verir ki, yol qəzasında xəsarət alan 4 sərnişin Sohaq vilayət xəstəxanasına çatdırılıb. Onların da vəziyyətinin ağır olduğu və ölü sayının arta biləcəyi barədə məlumat yayılıb. Vilayət prokurorluğu yol qəzası ilə bağlı təhqiqat aparır.

Statistik rəqəmlərə görə, Misirdə avtobus qəzalarında ölənlərin sayı artır. Belə ki, bir həftə əvvəl Minya vilayətində baş vermiş yol qəzasında 27 nəfər həlak olmuş, 30 sərnişin yaralanmışdı.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.